Паслугі дзённага знаходжання для людзей з інваліднасцю
Нормы і нарматывы забяспечанасці, зацверджаныя Пастановай Савета Міністраў Рэспублікі Беларусь 27.12.2012 № 1218 (у рэдакцыі пастановы Савета Міністраў Рэспублікі Беларусь 17.09.2020 № 538)
Паслугі дзённага знаходжання аказваюцца на падставе заявы і заключэння дагавора на аказанне паслуг.
Арганізацыя працэсу рэабілітацыі, абілітацыі інвалідаў у значнай ступені залежыць ад рэабілітацыйнага патэнцыялу індывіда як комплексу яго псіхафізіялагічных, асобасных характарыстык, а таксама сацыяльна-асяроддзевых фактараў, якія дазваляюць у той ці іншай ступені рэалізаваць патэнцыйныя здольнасці і вызначыць магчымы ўзровень развіцця адсутных функцый і сацыяльных сувязяў (або іх аднаўлення ў выпадку парушэння).
Паслугі дзённага знаходжання для людзей з інваліднасцю ў аддзяленні сацыяльнай рэабілітацыі, абілітацыі інвалідаў аказваюцца з улікам розных тыпаў функцыянальных парушэнняў (парушэнне сэнсарных функцый, парушэнне статынамічных функцый, псіхічных функцый і г.д.), якія прыводзяць да абмежаванняў жыццядзейнасці.
Асноўныя напрамкі аказання паслуг сацыяльнай рэабілітацыі, абілітацыі:
- Сацыяльна-педагагічныя;
- Сацыяльна-бытавыя;
- Сацыяльна-асяроддзевай арыентацыі;
- Сацыяльна-рэабілітацыйныя;
- Сацыяльна-пасрэдніцкія;
- Сацыяльна-інфармацыйныя;
- Сацыяльна-працоўныя.
Пашырэнне магчымасцяў сацыяльнай рэабілітацыі, абілітацыі адбываецца за кошт узаемадзеяння з іншымі суб'ектамі - установамі аховы здароўя, адукацыі, культуры, фізічнай культуры і спорту, а таксама грамадскімі аб'яднаннямі, якія маюць досвед працы з пэўнай мэтавай групай і абароны іх інтарэсаў.
Тыпы праграм па сацыяльнай рэабілітацыі, абілітацыі дзённага знаходжання ў аддзяленні:
- праграмы сацыяльнай рэабілітацыі, абілітацыі інвалідаў з парушэннямі функцый апорна-рухальнага апарата;
- праграмы сацыяльнай рэабілітацыі, абілітацыі інвалідаў з парушэннямі слыху;
- праграмы сацыяльнай рэабілітацыі, абілітацыі інвалідаў з парушэннямі зроку;
- праграмы сацыяльнай рэабілітацыі, абілітацыі інвалідаў з псіхічнымі (інтэлектуальнымі, ментальнымі) парушэннямі.
Удзел у праграмах мерапрыемстваў сацыяльнай рэабілітацыі, абілітацыі адбываецца на добраахвотнай аснове. Прымус да сацыяльнай рэабілітацыі, абілітацыі не дапускаецца.
